स्पर्धा उपक्रम

जागतिक मराठी भाषा दिवस - २७ फेब्रुवारी

कुसुमाग्रजांचा जन्मदिवस मराठी भाषा गौरव दिन म्हणून उत्साहात साजरा होत आहे. ज्ञानपीठ विजेते ज्येष्ठ मराठी साहित्यिक विष्णू वामन शिरवाडकर म्हणजेच कुसुमाग्रज यांचा जन्म २७ फेब्रुवारी १९१२ मध्ये झाला होता. कवितेमध्ये रमतांना कुसुमाग्रजांनी कथा, कादंबरी, नाटक, ललित वाड्यमयातही मुक्त विहार केला. वयाच्या १७व्या वर्षापासून 'बालबोधमेवा' या मासिकातून कुसुमाग्रजांनी कविता आणि ललित साहित्य लिहायला सुरुवात केली. १९४२मध्ये प्रसिद्ध झालेला 'विशाखा' हा त्यांचा काव्य संग्रह साहित्यातला ठेवा आहे.

सामाजिक अन्याय, विषमता यावर कुसुमाग्रजांनी आपल्या लेखणीतून प्रहार केला. केवळ लिखाण करुन ते थांबले नाही तर चळवळींमध्येसुद्धा त्यांचा सहभाग होता. त्यामुळे एका अर्थाने कुसुमाग्रज सामाजिक चळवळीचे प्रणेते होते.

 स्पर्धकहो, चला तर मग वि. वा. शिरवाडकर म्हणजेच कुसुमाग्रज यांच्या जन्मदिनानिमित साजऱ्या होणाऱ्या जागतिक मराठी भाषा गौरव दिनाचे औचित्य साधून प्रश्नमंजुषा स्पर्धेत सहभागी होऊ या... आणि प्रमाणपत्र मिळवू या..

छत्रपती शिवाजी महाराज जयंती निमित्त प्रश्नमंजुषा

सबंध भारताचे आराध्य व प्रेरणास्थान असणारे स्वराज्याचे संस्थापक, सकल मराठी जनांचा स्वाभिमान असणारे स्वराज्याचे पहिले छत्रपती यांच्या जयंती निमित्त खालील प्रश्नमंजुषा घेण्यात येत आहे. सर्व भारतीय, महाराष्ट्र राज्यात राहणारे तसेच पुण्याच्या मातीशी संबंध असणाऱ्या प्रत्येकास छत्रपती शिवाजी महाराज यांच्या आयुष्यातून कायम प्रेरणा मिळावी व त्यांचा जाज्वल्य इतिहास कायम ज्ञात राहावा याच उद्देशाने सदरच्या प्रश्नमंजुषेचे आयोजन केले आहे.

• प्रत्येक सहभागी विद्यार्थ्यास सहभागाचे डिजिटल प्रमाणपत्र मिळेल.

• ज्या विद्यार्थ्यांकडे स्वत:चा इमेल नाही त्यांनी शिक्षकांचा इ-मेल टाकावा.